काठमाडौँ। देशभर थप १ हजार ५६२ जनामा कोरोना सङ्क्रमण पुष्टि भएको छ । पछिल्लो २४ घण्टामा १० हजार २६६ जनाको आरटी–पीसीआर विधिबाट परीक्षण गर्दा १ हजार १८० जना र ४ हजार १७७ जनाको एन्टिजेन विधिबाट परीक्षण गर्दा ३ सय ८२ जनामा गरी जम्मा १,५६२ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ८ लाख ६६ हजार ९०५ पुगेको छ ।

यस्तै पछिल्लो २४ घण्टामा देशभर १ हजार ५८९ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ४२ हजार ३०६ पुगेको छ ।

यसैगरी पछिल्लो २४ घण्टामा थप १९ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार ९८४ पुगेको छ ।