काठमाडौँ । देशभर थप २ हजार ७५ जनामा कोरोना संक्रमण पुष्टि भएको छ । पछिल्लो २४ घण्टामा ७ हजार ७०३ जनाको आरटी–पीसीआर विधिबाट परीक्षण गर्दा १ हजार ४२४ जना र ५ हजार ३७२ जनाको एन्टिजेन विधिबाट परीक्षण गर्दा ६ सय ५१ जनामा गरी जम्मा २०७५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरस संक्रमितको कुल संख्या ८ लाख २५ हजार ७२२ पुगेको छ ।

यस्तै पछिल्लो २४ घण्टामा देशभर २ हजार ३८२ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ९५ हजार ९२५ पुगेको छ ।

यसैगरी पछिल्लो २४ घण्टामा थप ३० संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार ४८५ पुगेको छ ।