काठमाडौँ। देशभर थप ३ हजार ७२९ जनामा कोरोना सङ्क्रमण पुष्टि भएको छ । पछिल्लो २४ घण्टाको अवधिमा देशभर ९ हजार ४९३ जनाको आरटी–पीसीआर विधिबाट परीक्षण गर्दा २ हजार ४३० जना र ६ हजार १८२ जनाको एन्टिजेन विधिबाट परीक्षण गर्दा १ हजार २९९ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ७ लाख ७७ हजार ५८९ पुगेको छ ।

यस्तै पछिल्लो २४ घण्टामा देशभर १ हजार ८८५ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ६५ हजार ५४८ पुगेको छ ।

यसैगरी पछिल्लो २४ घण्टामा थप २५ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार १९ पुगेको छ ।