काठमाडौँ। नेपाली बजारमा आज सुनको मूल्य तोलामा तीन सयले ओरालो लागेको छ । आज छापावाला सुन प्रतितोला ८९ हजार ८ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । छापावाला सुन मङ्गलबार तोलामा रु ९० हजार एक सयमा कारोवार भएको थियो ।

यस्तै तेजाबी सुन तोलामा ८९ हजार ३५० मा कारोवार हुने गरी मूल्य निर्धारण भएको छ । तेजाबी सुन मङ्गलबार तोलामा ८९ हजार ६५० मा कारोवार भएको थियो ।

यसैगरी चाँदी आज तोलामा १५ ले घटेको छ । एक हजार ३६० मा मङ्गलबार कारोवार भएको चाँदी आज भने रु एक हजार ३४५ रूपैयाँ पुगेको नेपाल सुनचाँदी व्यावसायी महासंघले जनाएको छ।