काठमाडौं । प्रधानमन्त्री केपी शर्मा ओलीले तीन जना पूर्वप्रधानमन्त्री लौरो टेकेर लुखुरलुखुर हिडिरहेको बताउनुभएको छ ।                                        प्रतिनिधि सभा विघटनको विरोधमा नेकपा दाहाल–नेपाल समूहले देशभर गरिरहेको आन्दोलनलाई लक्षित गर्दै प्रधानमन्त्री ओलीले यस्तो बताउनुभएको हो ।        चितवनमा आयोजित नेकपा ओली समूहको कार्यक्रमलाई सम्बोधनका क्रममा पूर्वप्रधानमन्त्रीहरु पुष्पकमल दाहाल, माधवकुमार नेपाल र झलनाथ खनालप्रति व्यंग्य गर्दै ओलीले भन्नुभयो, ‘तीन वटा प्रधानमन्त्री (पूर्वप्रधानमन्त्री) लौरो टेकेर लुखुरलुखुर हिँड्नु भएको छ, देशभरी लाइन लागेर हिँडुनु भएको छ बुढेशकालमा ।’

ओलीको ‘प्रतिगामी कदम’ को विरोधमा दाहाल–नेपाल समूहले देशभर संघर्षका अभियान सञ्चालन गरिरहेके बेला ओलीले यस्तो टिप्पणी गर्नुभएको हो । उद्देश्य राम्रो भएको भए पार्टीमा स्वागत गर्न मिल्थ्यो भन्दै ओलीले पार्टी ध्वस्त पार्ने र देश बर्बाद गर्ने मनसाय दाहाल–नेपालमा भएको आरोपसमेत लगाउनुभयो ।