• बैशाख १४ २०८२, आईतवार

मैले हुर्काएर मन्त्री बनाएको मान्छे अहिले ओलीको वरिपरि घुम्ने भए: प्रचण्ड

माघ १७ २०७७, शनिबार

धनगढी । नेपाल कम्युनिस्ट पार्टी प्रचण्ड-नेपाल समुहका अध्यक्ष पुष्पकमल दाहाल प्रचण्डले ओली समूहमा गएका पूर्व माओवादी नेता लेखराज भट्टको नाम नलिई आफूले हुर्काएर र पटक–पटक अवसर दिएर मन्त्री बनाएर यहाँसम्म ल्याएको मान्छे अहिले ओलीको वरिपरि घुम्ने भएको बताएका छन् ।

शनिबार धनगढीमा आयोजित विरोध सभालाई सम्बोधन गर्दै अध्यक्ष उनले ओलीलाई दलाल भएको बताउँदै भट्ट दलालको पनि दलाल भएर गएको बताएका हुन् ।


Advertisement

उनले भने, ‘मैले हुर्काएको, पटक पटक अवसर दिएको, मन्त्री बनाएको मान्छे, जसलाई तपाईंहरुले नायक भन्नुहुन्थ्यो, मैले पनि तपाईहरुको नायक यही हो भन्थे’, उनले थपे, ‘तिनी त अहिले त कता हो कता सोच्नै नसकिने गरी गए। केपी ओलीको वरिपरि घुम्ने भए। केपीको दलाल भए, केपी आफै दलाल हुन् दलालको पनि दलाल भए ।’

उनले आफूले भट्ट ओली समूहमा गएको पत्यार नलाग्दो घटना भएकोसमेत बताए । उनले आफूलाई सुदूरपश्चिमका जनता भट्टको पक्षमा लाग्छन् कि भनेको उनको भन्डाफोरमा लागेको भन्दै धन्यवाद दिएका छन् ।