काठमाडौं । मंगलबार ३ सय ३ जना कोरोना संक्रमित थपिएका छन् । योसँगै नेपालमा कोरोना संक्रमितको संख्या २ लाख ७० हजार ९२ पुगेको छ ।

थप ३ सय ३ जनामा कोरोना संक्रमण पुष्टि भएको स्वास्थ्य मन्त्रालयले जनाएको हो । संक्रमितमध्ये १ सय ३० जना महिला र १ सय ७३ जना पुरुष रहेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा कोरोना निको भई २८५ जना डिस्चार्ज भएका छन् । योसँगै हालसम्म कोरोना निको हुनेको संख्या २ लाख ६४ हजार ८२३ पुगेको मन्त्रालयले जनाएको छ ।

यस्तै गत २४ घण्टामा कोरोना संक्रमणबाट थप ६ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या २ हजार १७ पुगेको मन्त्रालयले जनाएको छ ।