काठमाडौँ । रामेछापमा नेपाली कम्युनिस्ट पार्टीका उम्मेदवार श्याम श्रेष्ठले अग्रता लिएका छन् । जिल्लाको सुनापति गाउँपालिका वडा नम्बर ४ बेथानको मतगणना गर्दा नेकपाले अग्रता लिएको हो । बेथानको १ हजार ४ सय ५१ मत गणना गर्दा तारा चिह्नले सबैभन्दा बढी ३८९ मत प्राप्त गरेको छ ।

त्यसैगरी, दोस्रो स्थानमा रहेको नेपाली कांग्रेसका रामचन्द्र खड्काले १३६ मत पाएका छन् । नेकपा एमालेको सूर्य चिह्नले ९२ मत प्राप्त गरेको छ । राष्ट्रिय स्वतन्त्र पार्टी (रास्वपा) का डा.कृष्णहरि बुढाथोकीले ५७ मत ल्याएका छन् ।

अन्य साना तथा स्वतन्त्र उम्मेदवारका चुनाव चिह्नहरूतर्फ माटोले ९ मत र राष्ट्रिय प्रजातन्त्र पार्टीले ३ मत प्राप्त भएको छ ।