काठमाडौं ।   नेपाल स्टक एक्सचेन्ज (नेप्से) परिसुचक बुधबार उच्च अंकले बढेसंगै यसको कारोबार आज बिहिबार के होला भन्ने सबैको चासो बनेको छ ।

कारोबार समयको सुरुवातदेखि उकालो लागेको नेप्से अन्तिम समयमा २५.३१ अंकले बढ्दै २ हजार ७ सय १ को विन्दुमा उक्लेर रोकिएको हो ।

कुल ३ सय १८ कम्पनीका १ करोड ४ लाख ४२ हजार बढी कित्ता सेयर किनबेच हुँदा कारोबार रकम ५ अर्ब ४४ करोड ४४ लाख ३५ हजार रुपैयाँ पुगेको थियो भने कारोबारमा आएकामध्ये उत्पादनमुलक र निर्जीवन बाहेकका सबै समुहका परिसुचकहरु उकालो लागेका छन् ।

कारोबारमा आएकामध्ये १ सय ६६ कम्पनीको सेयरमूल्य उकालो लाग्दा ७८ कम्पनीको सेयरमूल्यमा गिरावट आएको छ ।