११ फागुन, काठमाडौं । नेपाली कांग्रेस रोल्पाले दोस्रो जिल्ला सम्मेलन सुरू हुनुअघि शक्ति प्रदर्शन गरेको छ ।

सभाअघि रोल्पा कांग्रेसले पञ्चे बाजासहितको लाइन निकालेको छ भने जीप, बस, मोटरसाइकलमा कार्यकर्ता ल्याएर कांग्रेसले शक्ति प्रदर्शन गरेको हो । कार्यक्रमको मुख्य अतिथि कांग्रेसका महामन्त्री गगन थापा छन् ।

उनलाई पञ्चे बाजासहित स्वागत गरिएको थियो । कार्यक्रमका लागि जिल्लाभरबाट कांग्रेसका कार्यकर्ता लिबाङमा भेला भएका छन् । रोल्पाको १० पालिकामध्ये दुई रुन्टीगढी र सुकीदहमा कांग्रेसले जितेको थियो ।