असोज ६, काठमाडौं । विश्वकप क्रिकेट लिग २ अन्तर्गत आइतबार हुने नेपाल र क्यानडाबीचको खेलमा नेपालले टस जिती पहिला ब्याटिङ गर्ने निर्णय लिएको छ । नेपालका कप्तान रोहित पौडेलले पहिला ब्याटिङ रोजेका हुन् ।

क्यानडामा जारी लिगमा नेपाल यसअघि दुई खेलमा पराजित भएको छ । पहिलो खेलमा क्यानडासँग १०३ रनले पराजित भएको नेपाल दोस्रो खेलमा ओमानसँग १ विकेटले पराजित भएको थियो । लिगमा नेपालको अवस्था नाजुक छ । आजको खेल नेपालका लागि निकै महत्वपूर्ण हुनेछ । खेल नेपाली समयअनुसार पौने ९ बजे सुरु हुनेछ ।