प्रायः घरका ठूलाले तपाईंलाई केही दिन नङ काट्न निषेध गर्छन्। किनकी साताको हरेक दिनको आफ्नै महत्व हुन्छ । वास्तवमा, वास्तुशास्त्र अनुसार नङ काट्ने केही नियमहरू पनि छन्। जस्तै कुन दिन नङ काट्ने वा दिनको कुन समयमा नङ काट्नु उपयुक्त हुन्छ। आउनुहोस् नङ काट्ने नियमहरू के के छन् जान्नुहोस्।

साताको बिहीबार, शनिबार र मंगलबार भुलेर पनि नङ काट्नु हुँदैन । अन्यथा मंगल, बृहस्पति र शनि ग्रहले अशुभ फल दिन थाल्छन्। जसका कारण मानिसले धेरै समस्या झेल्नु पर्ने हुन्छ ।

चतुर्दशी र अमावस्या तिथीमा नङ काट्न निषेध गरिएको छ । चतुर्दशी र अमावस्याको दिन नङ वा कपाल काट्दा धेरै समस्या निम्त्याउँछ।

दिनको समयमा सधैं नङ काट्नुहोस्। वास्तुशास्त्रका अनुसार सूर्यास्तपछि वा रातिको समयमा पनि नङ काट्नु उचित हुँदैन । यसो गर्नाले लक्ष्मीको रिस उठ्छ र धन हानि हुन सक्छ।

ज्योतिष शास्त्रका अनुसार कपाल र नङको सम्बन्ध शनिसँग छ । यिनीहरुको उचित हेरचाह नगर्दा शनिदेव क्रोधित हुन सक्छन् । र तिनीहरूको क्रोध सहनु पर्छ। नङ र कपाल सफा राख्न नसक्दा मानिसले गरिबीको सामना पनि गर्नुपर्ने हुन्छ ।

सोमबार, बुधवार, शुक्रबार र आइतबार नङ काट्नका लागि उपयुक्त मानिन्छ। यी दिनहरूमा नङ काट्दा शुभ मानिन्छ भन्ने ज्योतिष शास्त्रको धारणा छ । आइतबार नङ काट्ने सबैभन्दा शुभ दिन मानिन्छ । यस दिन नङ काट्दा गरिबी हट्छ । मानिसलाई कहिल्यै पैसाको अभाव हुँदैन, र जीवनमा सधैं सकारात्मकता रहन्छ।