काठमाडौं ।  नेकपा (माओवादी केन्द्र) को स्थायी समिति बैठक आज बस्दै छ । दुई दिन चल्ने पहिलो दिनको स्थायी समितिको बैठक आज दिउँसो ३ बजे बस्ने तय भएको छ । बैठकमा फागुनको पहिलो हप्ता हुन लागेको प्रथम विधान अधिवेशनको तयारीका विषयमा छलफल हुने जनाइएको छ ।

आजको बैठकमा पार्टी उपाध्यक्ष पम्फा भुसाल नेतृत्वको मस्यौदा समितिले तयार गरेको मस्यौदा विधानमाथि समेत छलफल हुने छ । यसअघि पदाधिकारीहरूले अधिवेशनको तयारीको विषयमा बुधबार अध्यक्ष पुष्पकमल दाहाल प्रचण्डसँग छलफल गरेका थिए ।