काठमाडौँ। ब्रोकर डाटा सेन्टरमा देखिएको समस्या समाधान नभएपछि आज सोमबारका लागि शेयर कारोबार बन्द भएको छ ।

डाटा सेन्टरको समस्याका कारण दिउँसो १२ बजेर ५३ मिनेटदेखि शेयर कारोबार रोकिएकोमा समस्या समाधान गरेर बेलुका भए पनि बजार खोल्ने नेप्सेको तयारी थियो । तर डाटा सेन्टरमा देखिएको समस्या पत्ता नलागेको र समस्या समाधानमा थप समय लाग्ने भएकाले आजका लागि कारोबार बन्द गरिएको नेप्सेले जनाएको छ ।

कारोबार रोकिनुअघिआज नेप्से शून्य दशमलव १५ अङ्कले बढेको थियो । जसमा २३ लाख ४९ हजार कित्ता शेयर एक अर्ब ३४ करोड २२ लाख रुपैयाँमा कारोबार भएकाे छ ।
हिजो आइतवार नेप्से एक सय एक अङ्कले बढेको थियो ।