काठमाडौँ। साताको कारोबारको दोस्रो दिन सोमबार नेपाली बजारमा सुनचाँदीको मूल्य घटेको छ।

आइतबार प्रतितोला एक लाख २ हजार ८ सय रुपैयाँमा कारोबार भइरहेको छापावाल सुन सोमबार तोलामा ५ सय रुपैयाँले घटेर एक लाख २ हजार ३ सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ।

यस्तै तेजावी सुनको भाउ तोलाको एक लाख १ हजार ८ सय रुपैयाँ निर्धारण गरिएको छ ।

यसैगरी,सोमबार चाँदीको मूल्य पनि घटेको छ । चाँदी आज तोलामा १० रुपैयाँले घटेर प्रतितोला एक हजार ४१५ रुपैयाँमा कारोबार भैरहेको महासंघले जनाएकाे छ ।