मस्को । रुसी रक्षा मन्त्रालयले रुसी सेनाले पूर्वी डोनेट्स्क क्षेत्रको ओचेरेताइने नजिकैको बस्ती कब्जा गरेको जनाएको छ । पछिल्लो समय यस क्षेत्रमा युक्रेन र रुसका सेनाबिच भीषण द्वन्द्व चलिरहेको थियो ।

यद्यपि, नोवोबाखमूतीव्कामा रुसले कब्जा गरेको स्वतन्त्र रूपमा पुष्टि भएको छैन । उही समयमा रुसले चासिभ यार क्षेत्रमा युक्रेनको जवाफी आक्रमणलाई विफल पारेको दाबी पनि गरेको छैन ।

रुसले दाबी गरेको बस्ती युक्रेनको रक्षा रेखाको हिस्सा हो । अवदीव्कालाई कब्जामा लिएपछि रुस अगाडि बढ्न खोजिरहेको छ । विश्लेषकहरूका अनुसार रुसले आगामी केही हप्ताहरूमा धेरै क्षेत्रमा महत्वपूर्ण लाभहरू हासिल गर्नसक्छ ।

अर्कोतर्फ, युक्रेन अमेरिकाबाट हतियारको खेपको पर्खाइमा छ । अमेरिकाले भर्खरै युक्रेनलाई ६१ अर्ब डलर बराबरको सहायता पठाउने घोषणा गरेको छ ।

यो सहयोग अन्तर्गत अमेरिकाले युक्रेनलाई धेरै उन्नत हतियार उपलब्ध गराउने भएको छ । युक्रेनले लामो समयदेखि हतियारको अभाव भएको भन्दै आएको थियो । रुसले फेब्रुअरी २०२२ मा युक्रेनमा आक्रमण सुरु गरेको थियो ।