प्रधानमन्त्री पुष्पकमल दाहालले चितवनको एकता शिशु निकेतन स्कुलको होस्टेलमा मृत अवस्थामा फेला परेकी १४ वर्षीया बालिका शालिन पोखरेलको परिवारलाई न्याय दिलाउने प्रतिवद्धता गरेका छन् ।

प्रचण्डले सामाजिक सञ्जालमा लेखेका छन्, ‘घटनाको गहन छानबिन गरी सत्यतथ्य पत्ता लगाउन मैले यसअघि नै गृह मन्त्रालयलाई निर्देशित गरिसकेको छु । घटनाको यथार्थ छानविन गरी पोखरेल परिवारलाई न्याय दिलाउन सरकार दृढ र प्रतिवद्ध छ ।’

पोखरेलका बाबुले छोरीको हत्या भएको दाबी गर्दै आएका छन् भने प्रहरीले यो प्रकरणमा विद्यालयका प्रिन्सिपललगायतलाई पक्राउ गरी घटनाको अनुसन्धान गरिरहेको छ ।

कांग्रेस र एमालेले याे घटनाकाे सत्यतथ्य छानबिन गरी दाेषीमाथि कारवाही गर्न माग गरेका थिए ।