काठमाडौँ। काठमाडौँको बागबजारस्थित पद्मकन्या क्याम्पसमा परीक्षा रोक्न माग गर्दै विद्यार्थीहरूले प्रदर्शन गरेका छन् । उनीहरुले विद्यार्थीहरुलाई कोरोना विरुद्ध खोप लगाउन माग गर्दै प्रदर्शन गरेका हुन् ।

उनीहरूले ‘नो भ्याक्सिन नो एक्जाम’ भन्दै नारा लगाएका थिए । आज बिबिए, बिआइएमलगायत स्नातक तहका छैटौं सेमेस्टरका विद्यार्थीको परीक्षा चलिरहेको छ । प्रदर्शनका क्रममा प्रहरी हस्तक्षेपसमेत भएको थियो । केही विद्यार्थीलाई प्रहरीले नियन्त्रणमा पनि लिएको छ ।

विद्यार्थीहरुले भौतिक उपस्थितीमा परीक्षा गर्दा कोरोना सर्ने जोखिम भएकाले परीक्षा सार्न माग गरिहेका छन् । तर, त्रिविले भदौ ५ सम्मका परीक्षा नसर्ने बताइसकेको छ ।

सरकारले कक्षा १२ को परीक्षा भने स्थगित गरेको छ ।