☰
काठमाडौँ। नेपाली राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरी आज नेपाल आउँदैछन् । प्रशिक्षक अल्मुताइरीले सामाजिक सञ्जाल फेसबुकमार्फत शनिबार नेपाल आउन लागेको जानकारी दिएका हुन् ।
उनी कतार एयरवेज मार्फत साँझ ७ : ३५ बजे त्रिभुवन विमान स्थलमा अवतरण गर्ने छन्।
अल्मुतारी आगामी तीन वर्षसम्म नेपालमै बस्ने भएका छन् । गत बुधबार अखिल नेपाल फुटबल संघ (एन्फा)का अध्यक्ष कर्माछिरिङ शेर्पा र कतार फुटबल एशोसिएसनसँग भएको छलफलमा अल्मुताइरीले थप ३ वर्ष नेपालमा बसेर प्रशिक्षकको भूमिका निर्वाह गर्न सहमत भएका हुन् ।
कुवेतका फुटबल म्यानेजर अलमुताइरी २०७७ चैतमा नेपालको मुख्य प्रशिक्षकमा नियुक्त भएका थिए ।
