चलचित्र ‘एक’ आजबाट रिलिज भएको छ । सिनेमा घरहरु बन्द रहेका बेला पनि चलचित्र ‘एक’ रिलिज भएको हो । ‘एक’ डिजिटल प्लेटफर्ममा रिलिज भएको हो ।

चलचित्र डिस होमको च्यानल ५५५ का साथै सिनेमा घर गोल्ड, नेट टिभी, म्याक्स टिभी, एक्स भीओडी, भायो नेटको टिभीमा हेर्न सकिने छ । सिनेमा घर गोल्डमा १९९ रुपैयाँ तिरेर हेर्न सकिने चलचित्र अन्य डिजिटल प्लेटफर्मममा भने २२५ रुपैयाँ तिरेर हेर्न सकिने छ ।

“आजबाट यो चलचित्र घरमै बसेर हातहातमा रहेको आफ्नो मोबाइलमा र घरको टिभीमा हेर्न सकिने छ,” निर्देशक मनोज पण्डितले भने, “असहज परिस्थितिमा पनि सिनेमा हेर्न सकियोस् भनेर र डिजिटल प्लेटफर्मममा पनि नयाँ फ्रेस चलचित्र आउनु पर्छ भन्ने उद्धेश्यले यो चलचित्र रिलिज गरिएको हो ।”

‘राजनीतिक चलचित्र ‘एक’ देश टुक्र्याउन खोज्नेहरु विरुद्ध एक हुनुपर्छ भन्ने सन्देश दिने सिनेमा हो । चलचित्रमा विशाल पोखरेल र प्रमोद अग्रहरी मुख्य भूमिकामा छन् ।