नेपाली समाजमा तीजको रौनक आउन थालेको छ । हिन्दु महिलाहरुको महान पर्व हरितालिका तीजको आगमन शुरु हुन लागेसँगै तीजका गीतहरुले बजार तताउँन थालेका छन् । तीजको समयमा अरु समयको तुलना भन्दा धेरै गीतहरु युटुबमा सार्वजनिक हुने गरेको छ ।

तीजकै अवसर पारेर गायक प्रेम बरालको ‘गोजीमा गाँठ’ बोलको गीत युटुबमा सार्वजनिक भएको छ । गायक स्वयम प्रेम बरालको शब्द तथा संकलनमा यो गीत तयार भएको हो । पोखराको मनोरम दृष्यमा छायांकन गरिएको यस गीतको भिडियोलाई म्युजिक नेपालको युटुब च्यानबाट सार्वजनिक गरिएको छ ।

“केहि समय अघि गायिका कोमल वलीले गोजीमा गाँठ भएको व्यक्ति खोजेर गीत सार्वजनिक गर्नु भएको थियो । त्यसैको प्रति जवाफको रुपमा यो गीत तयार गरेका हौं ।” जानकारी गायक प्रेम बरालले जानकारी दिए । “तीज नजिकि रहँदा अलि कति मनोरञ्जन होस् भन्ने हेतुले मैले व्यङ्गत्यामक गीत सिर्जना गरिएको हो ।” उनले भने ।

दिपक जोशीको छायांकन रहेको उक्त गीतलाई सदिश जोशीले सम्पादन गरेका हुन् । सन्दिप पौडेलको निर्देशनमा तयार भएको उक्त गीतलाई मस्र्याङ्गदी फिलिम्सले तयार गरेको हो ।