काठमाडौँ । नेपाली बजारमा साताको पहिलो दिन आइतबार (आज )सुनको मूल्यमा सामान्य गिरावट आएको छ। शुक्रबार प्रतितोला ९२ हजार १ सय रुपैयाँमा कारोबार भैरहेको छापावाल सुन आइतबार तोलामा १ सय रुपैयाँले घटेर ९२ हजार रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।

यस्तै तेजावी सुनको मूल्य तोलाको ९१ हजार ५ सय रुपैयाँ रहेको छ ।

यसैगरी, आज चाँदीको मूल्य पनि घटेको छ । आइतबार चाँदी प्रतितोलामा १० रुपैयाँले घटेर एक हजार २७० रुपैयाँमा कारोबार भैरहेको महासंघले जनाएको छ ।