काठमाडौँ । साताको अन्तिम दिन शुक्रबार (आज ) सुनको मूल्य बढेको छ । बिहीबार प्रतितोला ९० हजार ८ सय रुपैयाँमा कारोबार भैरहेको छापावाल सुनको मूल्य शुक्रबार तोलामा ५ सयले बढेर ९१ हजार ३ सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।

यस्तै तेजावी सुनको मूल्य तोलाको ९० हजार ८०० रुपैयाँ रहेको छ ।

यसैगरी आज चाँदीको मूल्य भने स्थिर रहेको छ । शुक्रबार चाँदी प्रतितोला एक हजार ३१० रुपैयाँमा कारोबार भैरहेको महासंघले जनाएको छ ।