काठमाडौँ । झ्याउरे (झाम्रे) लोकगीत ‘मादलु गम्केर’को म्युजिक भिडियो सार्वजनिक भएको छ । वरिष्ठ लोक सर्जक तथा गायक खर्कबहादुर बुढामगर र लिलावती बुढामगरको सुमधुर स्वरमा सजिएको ‘मादलु गमम्केर’ गीत खर्क बुढामगरको शब्द सिर्जना तथा संगीत सिर्जना रहेको छ । यो गीतको संगीतलाई जुजु गुरुङले संयोजन गरेका छन् भने कुमार राना मगरले मिक्सिङ सम्पन्न गरेका छन् ।

मारुनी डिजिटल स्टुडियोमा रेकर्ड भएर खर्क बुढामगर आफैले निर्माण गरेको सो गीतको भिडियोमा कलाकारहरु नविन श्रीसमगर, रुपा केसी, राम मगर र विपना गुरुङले अभिनय तथा नृत्य गरेका छन् ।

गायक र गायिका पनि देखिने सो गीतको भिडियोलाई शिवम पोखरेलले निर्देशन गरेका हुन् भने सम्पादन निराजन केसीले सम्पन्न गरेका हुन् । सुरज खनालको क्यामराले भिडियोका दृश्यलाई लेन्समा कैद गरेको छ भने एक्सन मिडिया प्रा.लिले भिडियोलाई पोष्ट प्रोडक्सन गरेको छ ।

हेरौं भिडियो ⇓