टेलिभिजनको निकै चर्चित शो ‘बिग बोस’को नयाँ सिजन शुरु हुनै लाग्दा अझ बढी चर्चा भइरहेको छ । यो शोका लागि प्रतिष्पर्धीको नाम सार्वजनिक हुन थालिसकेको छ ।

१५ औं संस्करणको नयाँ सिजनका लागि अभिनेता सलमान खानकी ‘तेरे नाम’ अभिनेत्री भूमिका चावलाको नाम यतिखेर चर्चामा छ ।

शोका निर्माताहरु नयाँ सिजनमा भूमिकालाई भित्र्याउनका लागि निकै इच्छुक छन् । सिजनका लागि भूमिकालाई प्रस्ताव गरिएको छ । हाल उनीहरुबीच कुराकानी भइरहेको छ ।

भूमिकाका अलावा बलिउडका कैयौं अनुहारलाई पनि प्रस्ताव गरिएको छ । फिल्म ‘तेरे नाम’मा सलमानसँग भूमिकाको केमेष्ट्रीलाई निकै रुचाइएको थियो ।