काठमाडौँ। बलिउडकी चर्चित अभिनेत्री कटरीना कैफलाई कोरोना संक्रमण पुष्टि भएको छ । कटरीनाले मंगलबार सामाजिक सञ्‍जाल इन्स्टाग्राममार्फत् आफूलाई कोरोना पोजेटिभ भएको जानकारी दिएकी हुन् ।

उनले आफ्नो पोस्टमा लेखेकी छिन्, ‘ म कोभिड १९ पोजिटीभ भएकी छु । मैले तुरुन्तै आफूलाई आइशोलेट गरिसकेकी छु । र होम आइशोसनमै रहन्छु । चिकित्सकको सल्लाह अनुसार नै आफ्नो सुरक्षाको सबै प्रोटोकल अपनाउनेछु । मेरो सम्पर्कमा आएका व्यक्तिहरुलाई आफ्नो टेस्ट गराउन अनुरोध गर्दछु ।’

मुम्बइमा कोरोना संक्रमणदर दिनप्रतिदिन बढ्दै गइरहेको छ । विगत केही दिनमै बलिउडका कलाकारहरुलाई कोरोना संक्रमण हुनेक्रम बढ्दो छ ।