काठमाडौँ। नेपाली बजारमा बिहीवार सुनचाँदीको मूल्यमा वृद्धि भएको छ । बुधबारको तुलनामा बिहीबार सुन तोलामा तीन सय रुपैयाँले बढेको हो ।

नेपाल सुनचाँदी व्यवसायी महासंघले आजका लागि छापावाल सुनको मुल्य तोलाको ८७ हजार २०० कायम गरेको छ । बुधबार तोलाको ८६ हजार ९०० मा स्थिर रहेको थियो ।

यस्तै तेजावी सुनको भाउ पनि बढेर ८६ हजार ७५० कायम भएको छ ।

यसैगरी, चाँदीको भाउ बिहीबार पनि तोलामा २० रुपैयाँले बढेको छ । बुधबार तोलाको १२ सय ७० रुपैयाँमा कारोबार भएको चाँदीको भाउ आज १२ सय ९० पुगेको महासंघले जनाएको छ ।