बबिता गिरी                                               कपिलवस्तु । कपिलवस्तु जिल्लामा आज तेस्रो नगर स्तरीय राष्ट्रपति रनिङ्ग शिल्ड प्रतियोगिता २०७७ को उद्घाटन भएको छ ।

कार्यक्रमा कपिलवस्तु नगरपालिकाका मेयर किरण सिंहको अध्यक्ष्यता र नेपाली काङग्रेसका केन्द्रिय सदस्य दिपकुमार उपाध्यायको प्रमुख आतिथ्यता भएको थियो ।

कार्यक्रममा बोल्दै उपाध्यायले नेपाललाई अहिले खेल र खेलाडीले गर्दा विश्वले चिनिरहेको छ । खेल भनेको हारजित भन्दा पनि निरन्तर आफूले अभ्यास गरेर अगाडी बढ्ने कुरा हो जसले विद्यालयको नाम जिल्लाको नाम र भोलि गएर देशको नाम उजागर गर्छ ।

हाम्रा युवा तथा बालबालिकाहरुमा लुकेर रहेका यस्ता अन्तर्रनिहित प्रतिभाहरुलाई प्रस्फूटन गराई त्यसको संरक्षण र प्रवर्धन गर्नका लागि अभिभावक तथा सम्बन्धित विद्यालयका प्रधानाध्यापक हरुले ध्यान दिन आवश्यक छ । भन्दै यो प्रतियोगिता सफल होस भनि शुभकामनादिनु भएको छ ।

कार्यक्रमा कपिलवस्तु नगरपालिकाकी उपमेयर लक्ष्मी गुप्ताको शुभकामना मन्तव्य रहेको थियो भने विभिन्न वार्डका अध्यक्ष्य, कपिलवस्तु नगरपालिकाका पदाधिकारीहरु तथा विभिन्न् मिडियाका सञ्चार कर्मिहरुको पनि उपस्तिथी रहेको थियो ।