काठमाडौँ। देशभर थप ५ सय ११ जनामा कोरोना सङ्क्रमण पुष्टि भएको छ। देशभर विभिन्न प्रयोगशालामा गरिएको परीक्षणमा पछिल्लो २४ घण्टामा थप ५ सय ११ जनामा कोरोना सङ्क्रमण पुष्टि भएको स्वाथ्य तथा जनसंख्या मन्त्रालयले जानकारी दिएको छ। योसँगै नेपालमा संक्रमितको कुल संख्या २ लाख ६० हजार ५९ पुगेको छ । त्यस्तै देशभर सक्रिय संक्रमितहरुको संख्या ६ हजार ३ सय रहेको छ ।

यस्तै पछिल्लो २४ घण्टामा देशभर ६ सय जना निको भएर घर फर्किएका छन् । योसँगै निको हुनेहरुको कुल संख्या २ लाख ५१ हजार ९ सय १२ पुगेको छ ।

त्यसैगरी पछिल्लो २४ घण्टामा ७ जना संक्रमितको मृत्यु भएको छ। योसँगै नेपालका कोरोना संक्रमणबाट मृत्यु हुनेको संख्या १ हजार ८ सय ४७ पुगेको छ ।