काठमाडौंः नेपाल प्रिमियर लिग (एनपीएल)को दोस्रो संस्करणको पहिलो क्वालिफायरमा सुदूरपश्चिम रोयल्सविरुद्ध टस जितेर विराटनगर किंग्सले पहिला फिल्डिङ गर्ने निर्णय लिएको छ ।

त्रिवि क्रिकेट मैदानमा विराटनगरका कप्तान सन्दीप लामिछानेले टस जितेर सुदूरपश्चिमलाई ब्याटिङको निम्तो दिएका हुन् ।

लिग चरणको ७ मध्ये ६ खेल जितेको सुदूरपश्चिम रोयल्स शीर्ष स्थानमा रहँदै पहिलो क्वालिफायर खेल्दैछ । लिग चरणको अन्तिम खेलमा सुदूरपश्चिम रोयल्सलाई हराउँदै लिग चरणमा ५ खेल जित्दै विराटनगर किंग्सले पहिलो क्वालिफायरमा स्थान बनाएको हो ।