काठमाडौँ । ओमानले आफ्नो सुपर सिक्सको अन्तिम खेलमा जापानलाई ९ विकेटले पराजित गरेको छ ।

जापानले दिएको १०४ रनको लक्ष्य पछाएको ओमानले १७ ओभरमा एक विकेट गुमाउँदै लक्ष्य पुरा गरेको हो । यसअघि पहिला ब्याटिङ गरेको जापानले १८.२ ओभरमा अल आउट हुँदै १०३ रन मात्र बनाएको थियो ।

यो जितपछि ओमानको ५ खेलमा ८ भएको छ र अंकतालिकामा दोस्रो स्थानमा रहेको छ । त्यस्तै नेपाल ८ अंकसहित रनरेटका आधारमा शिर्ष स्थानमा कायम रहेको छ ।

त्यस्तै जापानले भने सुपर सिक्सका ५ खेलमा केवल एक जित र ४ हारसहित २ अंकसहित पाँचौं स्थानमा रहेको प्रतियोगिता सकेको छ ।

अब प्रतियोगिताको अन्तिम खेल आजै दिउसो ४; १५ बजेदेखि नेपाल र सामाओबीच शुरु हुँदैछ ।