☰
काठमाडौं । गायक दिपेश विष्टको नयाँ गीत ‘कोइली वनैमा’ सार्वजनिक भएको छ । डम्बर विश्वकर्माको रचनामा तयार भएको गीतमा दिपेश विष्ट र शान्तिश्री परियारको सुमधुर आवाज रहेको छ भने यस गीतलाई लय युस्कल छिनालले गरेका छन । त्यसैगरी संगीत संयोजन राजेन्द्र बाजुरालीले गरेका छन् ।
माया-प्रेममा आधारित यस गीतमा विशेषगरी गाउँघरमा केटाकेटी बिच बसेको मायाप्रेमलाई मुख्य कथावस्तु बनाइएको छ । गीतमा केटाले आफूले मन पराएको केटीलाई तिम्रो मनमा म भएपनि नभएपनि तिमी भने मेरो मनमा सधै भरी रहिरहनेछौ भन्ने कुरा देखाउन खोजिएको छ ।
त्यसैगरी केटीले म कति माया गर्छु भन्ने कुरा देखाउन मिल्दैन । त्यो त मेरो मनलाई थाहा छ भन्ने जस्ता कुरा गीतका शब्दमार्फत् देखाउन खोजिएको छ ।
लामो समय नेपाली गीतसंगीतमा लागेका गायक दिपेश विष्ट भन्छन्-‘आफूले गरेका सबै गीत उत्तिकै राम्रा लाग्छन् । अझ यो गीतमा मैले मात्र हैन हाम्रो सम्पूर्ण टिमले नै धेरै मेहनत गरेर तयार पारेका छौं । त्यसैले पनि यो गीत हाम्रो तर्फबाट उत्कृष्ट लागेको छ । युटबमा राखेदेखि नै यस गीतलाई धेरैले मन पराईदिनुभएको छ । मलाई कस्तो लाग्ने भन्दा पनि दर्शकले कस्तो मान्नुहुन्छ त्यसले भर पार्ने हो गीत राम्रो वा नराम्रो भन्ने सबै जिम्मा अब हामीले दर्शकको हातमा छोडिदिएका छौं । उहाँहरुको प्रतिक्रिया अहिलेसम्म राम्रो आएको छ ।’
गीतको म्यूजिक भिडियोलाई निर्देशक विनोद भण्डारीले गरेका छन् भने गीतको मुख्य भूमिकामा पनि भण्डारी आफै रहेकाछन् र साथमा उनलाई जुना विश्वकर्माले साथ दिएकी छिन् ।
मालश्री स्टुडियोमा रेकर्डिङ गरिएको यस गीतको म्यूजिक भिडियोको सम्पादन भने मनोज कार्कीले गरेका हुन् ।
यो गीत दिपेश विष्ट अफिसियल युट्युव च्यानलमार्फत् सार्वजनिक भएको छ ।
