१४ मंसिर, काठमाडौं । नेपाल प्रिमियर लिग (एनपीएल) सुरु हुन अब एक दिन मात्र बाँकी छ । यस प्रतियोगिताले यति ठूलो चर्चा पाइरहेको छ कि सायद खेलाडी र फ्यानहरूले क्यानले पनि यो सोचेको थिएन । सामाजिक सञ्जालदेखि नेपालभर जताततै अहिले एनपीएल क्रिकेटकै चर्चा छ । यो स्तरको चर्चा कसैले सोचेको थिएन । पहिलो पटक स्टार स्पोट्र्समा लाइभ हुने, विश्व चर्चित स्टार शिखर धवन मार्टिन गप्टिल, जिम्मी निसम, बेन कटिङ जस्ता आउने,

टीयू मैदानमा नयाँ सुविधा थपिनु, टीयू मैदानमा डिजिटल स्कोर बोर्डहरूराख्नु जस्ता कारणले पनि एनपीएलको चर्चा र हाइप धेरै बढिरहेको छ । यस्तै यस पटक एनपीएलमा भएको लगानीले पनि कर्पोरेट क्षेत्र देखि सबै खाले व्यक्तिहरूलाई आकर्षित गरेको छ । विश्वका ठूला स्टार भारतका लागि तीनवटै पम्र्याटमा खेलिसकेका स्टार ब्याटर शिखर धवन, न्युजिल्याण्डका मार्टिल गप्टिल जस्ता स्टरा खेलाडीहरू पहिलो पटक नेपालमा लिग खेल्न आउँदैछन् ।

त्यसमा जिम्मी निसम र बेन कटिङ जस्ता टी२) का स्टार नामहरू पनि छन् । यस्तै इंग्ल्याण्डमा काउन्टी र भाइटालिटी ब्लास्ट खेल्नेदेखि अष्ट्रेलियाको बिग बास लिग खेलेका, विश्वकप जितेका सोहेन तनविर देखि एसोसिएटका उत्कृष्ट बास डे लिड र जेरार्ड इरासमस सम्मका खेलाडी एनपीएल खेल्न आउँदैछन् । विश्वकै स्टार खेलाडीहरू आएर खेल्दा अहिले नेपाली क्रिकेट र एनपीएलको बारेमा पनि अन्तर्राष्ट्रिय स्तरमा चर्चा बढिरहेको छ ।