२६ कात्तिक, काठमाडौं । ललित स्मृति यू–१८ एन्फा युथ लिगको खेलहरु कात्तिक २८ गतेदेखि पुनस् सुरु हुने भएको छ । अखिल नेपाल फुटबल संघ (एन्फा) ले यसअघि रोकिएको यू–१८ लिगको बाँकी खेलतालिका सार्वजनिक गरेको हो ।
जस अनुसार कात्तिक २८ गते बुधबार दुई खेल हुनेछ ।

पहिलो खेल जावलाखेल युथ क्लब र एनआरटीबीच १२ बजे तथा दोस्रो खेल नेपाल पुलिस क्लब र मनाङ मस्र्याङ्दी क्लबबीच ३ बजे हुनेछ ।
साफ यु–१९ च्याम्पियनसिप, महिला लिग, दशैँ र तिहार तथा साफ महिला च्याम्पियनसिपका कारण ४८ खेलपछि यू१८ लिग रोकिएको थियो ।