हल्ला र उज्यालोमा मस्तिष्क सक्रिय हुन्छ र निद्रा लाग्दैन।

त्यसैले राति काम गर्नेले दिउँसो निद्रा लागोस् भनेर धेरै उज्यालोबाट बच्ने, कालो चस्मा लगाएर हिँड्ने। घर आउनासाथ पर्दा लगाएर होहल्ला नभएका ठाउँमा निदाउने प्रयास गर्ने।

राति काम गर्ने बाध्यता नभएकाले आफ्नो जीवनशैली परिवर्तन गर्ने। राति अबेरसम्म टिभी, इन्टरनेटमा नझुम्मिने।

सुत्ने र उठ्ने समय नियमित बनाउने। जस्तो सुत्ने समय ढिलोमा साढे दस र उठ्ने समय ढिलोमा सात बजे। यसको लागि आफैं ऊर्जा ल्याउन जरुरी छ। निकै समस्या परे चिकित्सकको सल्लाह र औषधि पनि लिन सकिन्छ।

सधैं व्यायाम गर्नाले नियमित निद्रा हुन निकै मद्दत हुन्छ। यसका निम्ति हामी साँझ बिहान समयमिलाएर हिँड्न सक्छौं। यसबाहेक अन्य व्यायाम, ध्यान, योग गरेर पनि अनिद्राको समस्या समाधान हुन सक्छ।

हामीले खाने कुरा र समय नमिल्दा र अनियमित हुँदा पनि निद्रा लाग्दैन। त्यसैले सकेसम्म एकै समयमा खाने र राति हल्का खाने। खाएको कम्तीमा एक घण्टासम्म नसुत्ने।

निद्रा लाग्दैन भनेर चिन्तित हुने होइन, लाग्छ भन्ने सोच्ने र प्रयास गर्ने।

सुत्ने बेलामा निद्रा बिगार्ने गरी आएका विचार पन्छाउनतिर लाग्ने। यसबारे भोलि सोचेर समाधान निकालौंला भनेर मस्तिष्कलाई सुझाव दिने। विस्तारै यो नियमित हुँदै जान्छ र, निद्रा लाग्न थाल्छ।