काठमाडौँ। दर्शक र संगीतकर्मीलाई निकट गराउने अभियान अन्तर्गत नयाँ शैलीमा “प्रोजेक्ट नजिक “सार्वजनिक गरेका गायक दीपक बज्राचार्यले सो अन्तगर्तको दोस्रो गीत “काँचो माया” सार्वजनिक गरेका छन् ।

रिक्की शाक्यको शब्द र दीपक बज्राचार्यको नै संगीत रहेको “काँचो माया” मा युवा अवस्थामा हुने माया पिरतीको बारेमा बर्णन गरिएको छ ।गीतको भिडियोमा गायक बज्राचार्यलाइ नै फिचारिंग गरिएको छ। गीतको भिडियोलाइ आउटडुर छायांकन अन्तर्गत एउटा सुन्दर गाउँमा खिचिएको छ ।

चेरिसा बज्राचार्यको कन्सेप्टमा तयार पारिएको भिडियोलाई सुब्रतराज आचार्यले निर्देशन गरेका छन् । उक्त गीतमा उत्सव दाहालको सिनेमाटोग्राफी र बिजेश पौडेलको सम्पादन रहेको छ ।