☰
काठमाडौं । लोकप्रिय गायक रामकृष्ण ढकाल र प्रगतीवादी गायिका कुश्मा महरा ‘प्रगती’को आवाजमा सुमधुर गीत ‘कहाँ छ स्वर्ग भन तिमी’ सार्वजनिक भएको छ ।
गीतकार पुरण क्षेत्रीको उत्कृष्ट शब्द सिर्जनामा सन्तोष क्षेष्ठले माधुर्य संगीत भरेका छन् । प्रगती तथा नेपाल संगीत तथा नाट्य प्रज्ञा-प्रतिष्ठानकी सदस्य सचिव छिन् ।
राजु कार्कीको संगीत संयोजन रहेको उक्त गीतको भिडियोलाई विष्णु न्यौपाने र सुन्दर पाण्डेले भिडियो संपादन गरेका हुन । आफ्नै जन्मभूमी नै स्वर्ग समान हुन्छ, तर हामी भौतिक सुख सुविधाको लागि स्वर्गको खोजी गर्ने दौडमा छौं भन्ने भाव गीतले बोकेको छ ।
खुसी खोज्ने यात्राले गर्दा हामी भित्र नै लुकेको खुसीलाई महसुस गर्न छोडिसकेका छौं भन्ने भावमा केन्द्रित रहेर रचनाकार क्षेत्रीले मानव जीवनको समसामयीक घटनालाई टपक्क टिपेर गीतमा उतारेका छन् ।
उक्त गीत गोल्डेन क्रियसनको अफिसियल युटुब च्यानलबाट दर्शक श्रोतामाझ सार्वजनिक गरिएको छ ।
