काठमाडौं । शाहरुख खानको फिल्म पठान रिलिज हुनुअघि विवाद र चर्चामा छ । फिल्म रलिज अघि देखाइएको गीतका कारण विवादमा तानिएको हो ।

फिल्मको विषयलाई लिएर सुरुवातदेखि नै चर्चा र विवादमा परेको छ । फर्स्टलुकदेखि लिएर टिजरसम्म सार्वजनिक हुँदा पठानले दर्शकहरुलाई ‘एक्साइमेन्ट’मा डबल गरिदिएको छ ।

फिल्मको गितको बेशर्म रंगमा दीपिका र शाहरुखको केमेस्ट्री, दीपिकाको सेक्सुअल डान्स मुभ र विकिनी लुक्सलाई लिएर चर्चा भइरहेको छ ।

यही विवादकैबीचमा पठानको दोस्रो गीत पनि सार्वजनिक गर्ने तयारी भएको छ। दोस्रो गीतमा ‘झुमे जो पठान’ को फर्स्ट लुक सार्वजनिक भएको छ । फिल्मका निर्देशक सिद्धार्थ आन्नदले पठानको दोस्रो गीत ‘झुमे जो पठान’को फर्स्ट लुक सार्वजनिक गरेका छन् । यसमा उनीहरुको केमेस्ट्री जमेको देखिन्छ। झुमे जो पठान २२ डिसेम्बरमा रिलिज हुँदै छ ।