एजेन्सी । लन्डन क्लब चेल्सीले इंग्लिस प्रिमियर लिगमा लगातार हार बेहोर्दा टोटेनहम हटस्परले रोमाञ्चक जित निकालेको छ ।

टोटेनहमले खेलमा दुईपटक पछि परेको स्थिति उल्ट्याएर लिड्स युनाइटेडमाथि ४–३ को शानदार जित निकालेको छ ।

घरेलु मैदानमा टोटेनहमको जितमा रोड्रिगो बेन्टनकरले दुई तथा ह्यारी केन र बेन डेभिसले समान एक गोल गरे । लिड्सका रोड्रिगोले दुई तथा क्राइसेन्सियो समरभिलीले एक गोल गरे । यस जितसँगै टोटेनहम १५ खेलबाट २९ अंक जोडेर चौथो स्थानमा रहेको छ ।