काठमाडौं । फिल्म ‘प्रेमगीत ३’ का अभिनेता प्रदीप खड्काले दर्शकलाई पैसाले किनेर फिल्मकाे विषयमा पत्रकार समक्ष नकारात्मक प्रतिक्रिया दिन लगाएको आरोप लगाएका छन् ।

फिल्म हेर्न आएका सोझा दर्शकलाई पैसाले किनेर पत्रकार समक्ष जबरजस्ती नकारात्मक प्रतिक्रिया दिन लगाएको अभिनेता खड्काले दावी गरेका हुन् ।

अभिनेता खड्काले सामाजिक सञ्जाल फेसफुक मार्फत सोही कुरा उल्लेख गर्दै यस्ताे लेखेका छन्,- ‘ फिल्म हेर्न आएका सोझा दर्शकलाई समेत पैसाले किनेर पत्रकार समक्ष जबरजस्ती नकारात्मक प्रतिक्रिया दिन घचेटेरै पठाए । ती भिडियोहरू अहिले सामाजिक सञ्जाल टिकटकमा भाइरल भइरहेको छ ।’ खड्का यसै विषयमा अगाडि लेख्छन्,- ‘ एक भिडियोमा यति समेत देखियो कि एउटा दर्शकले ‘प्रेमगीत ३’ हेरियो, हातमा पैसा हल्लाएर पैसा नि पाइयो समेत भनेका छन् । भाइरल पनि यसरी भइरहेको छ कि ती भिडियोहरू हेर्दा पनि आफैंमा लाजमर्दो देखिन्छ ।’