काठमाडौं । फिफा विश्वकप २०२२ को उद्घाटन समारोह एक दिनअगाडि गर्ने तयारी गरिएको छ।

विश्व फुटबलको सर्वोच्च निकाय अन्तराष्ट्रिय फुटबल महासंघ (फिफा) ले आयोजक कतार सहमत भएमा उद्घाटन समारोह र आयोजकको पहिलो खेल एक दिनअगाडि गर्ने छलफल भएको अन्तर्राष्ट्रिय सञ्चारमाध्यमले जनाएका छन्। आयोजक कतार सहमत भए पहिलो खेल इक्वेडरविरुद्ध हुनेछ।

एक दिन अगाडि सरे पनि ग्रुप बीको इंग्ल्यान्ड र इरान बीचको २१ नोभेम्बरमा खेल्ने तालिकालाई असर गर्नेछैन। वेल्स र अमेरिकाबीचको खेलमा पनि यसले कुनै असर नगर्ने बताइएको छ।