१४, काठमाडौं । नेपाली कांग्रेसका सांसद गगन थापाले अर्थतन्त्र समस्याग्रस्त मात्र नभई सङ्कटमा फस्दै गएको बताएका छन् । सरकारले तत्काल सङ्कटमा फस्दै गएको अर्थतन्त्रलाई उकास्नेगरी सम्बोधन गर्नुपर्ने उनले औँल्याए ।

सङ्घीय संसद्मा प्रस्तुत वार्षिक नीति तथा कार्यक्रममाथि धारणा राख्दै उनले सरकारसँग सङ्कटमा फसेको अर्थतन्त्रलाई उकास्नेगरि जोखिम बहन गर्न सक्ने क्षमता हुनुपर्ने बताए ।

‘मुख्य कुरा भनेको अर्थतन्त्रको अवस्था समस्याग्रस्त मात्रै होइन, सङ्कटमा फस्न थालेको छ । आन्तरिक र बाह्य कारणले गर्दा जोखिम बढ्यो भने त्यो जोखिमलाई बहन गर्नुपर्छ । जोखिम आइसक्यो । जोखिमलाई सम्बोधन गर्न सरकारको ध्यान जानुर्पयो’, थापाले भने ।

उनले वर्षेनी ब्यापार घाटा उच्च हुँदै गएको भन्दै चिन्तासमेत ब्यक्त गरेका छन् । ‘हाम्रो व्यापार घाटा उच्च भयो । गएको वर्ष पनि थियो । विगत १०–१२ वर्षयता लागतार ब्यापार घाटा छ । आगामी वर्ष अझ बढ्नेवाला छ । हाम्रो आम्दानीको स्रोत सीमित छ’, थापाले भने, ‘रेमिट्यान्स छ । थोरै वैदेशिक लगानी आएको छ । थोरै अनुदान आएको छ । आम्दानीको स्रोत कम छ । खर्च बढी छ ।’

उनले ब्यापार घाटा न्यूनीकरण गर्न उत्पादन बढाएर निर्यात वृद्धि गर्नुपर्ने बताए ।
नेपालमा भएका उद्योगहरु निजीकरण गर्दै लागेर टाट पल्टिनु, नयाँ उदोथहरु नखोल्नु बरु युवालाई विदेश पठाएर आएको रेमिट्यान्सले देशको अर्थतन्त्र चलाउनु, विदेशी ऋण थोपर्नु र अनुत्पादक क्षेत्रमा लगाउनु जस्ता गलत कामहरुले देशको अर्थतन्त्र आजको अवस्थामा आएको हो ।

यसो हुनुमा अधिकांश समय सत्तामा रहेको कांग्रेस र एमालेहरु नै हुन् । यद्यपी निजीकरणको सुरुवात राजाहरुकै पालामा सुरुवात भइसकेको थियो । तर बहुदलीय व्यवस्था आएपछि त्ययसलाई थप तिव्रतामा यिनै दलहरुका सरकारले लगेका हुन् ।