काठमाडौं । देशकै ठूलो गायन रियालिटी सो ‘नेपाल आइडल सिजन-४’को विजेता भैरहवाका भुपेन्द्र थापामगर बनेका छन् ।

चारजना प्रतिस्पर्धीलाई पछि पार्दै भुपेन्द्रले ३० लाख रुपैयाँ र ट्रफी हात पार्न सफल भएका छन् ।

यस्तै उत्कृष्ट पाँचमा पर्न सफल भएका नामगेल तामाङले फस्ट रनर अपको उपाधी हात पार्न सफल भएका छन् ।

झापाका तामाङले ५ लाख रुपैँया र ट्रफी पाएका हुन् । यस्तै रंजित नेपाली सेकेन्ड रनर अप बन्न सफल भएका छन् ।