काठमाडौँ। नेपाली बजारमा बिहीबार सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार बुधबारको तुलनामा सुनको भाउ प्रतितोला ५ सय रुपैयाँले घटेको हो। यससँगै छापावाल सुन प्रतितोला ९९ हजारमा झरेको छ ।

यस्तै तेजावी सुनको मूल्य ९८ हजार ५ सय रुपैयाँ कायम भएको छ।

यसैगरी बिहीबार चाँदीको भाउ भने बढेको छ । आज चाँदी तोलामा ५ रुपैयाँले बढेर प्रतितोला १ हजार ३८० रुपैयाँमा कारोबार भैरहेको महासंघले जनाएको छ।