काठमाडौँ। साताको कारोबारको पहिलो दिन आइतबार नेपाली बजारमा सुनचाँदीको मूल्य घटेको छ।

नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा १ हजार ४ सय रुपैयाँले घटेर ९६ हजार ६ सय रुपैयाँ कायम भएको छ। गत शुक्रबार छापावाला सुन तोलामा ९८ हजार रुपैयाँमा कारोबार भएको थियो।

यस्तै आज तेजावी सुनको भाउ तोलाको ९६ हजार १ सय रुपैयाँ कायम भएको छ।

यसैगरी आइतबार चाँदीको मूल्य पनि घटेको छ। चाँदी आज तोलामा ४० रुपैयाँले घटेर एक हजार २९५ रुपैयाँमा कारोबार भइरहेको महासंघले जनाएको छ।