काठमाडौँ । नेपाली बजारमा शुक्रबार पनि सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार आज छापावाल सुनको भाउ तोलामा ४ सय रुपैयाँले बढेर ९६ हजार ५०० रुपैयाँ कायम भएको छ । यसअघि बिहीबार छापावाल सुन तोलाको ९६ हजार १०० रुपैयाँमा कारोबार भएको थियो ।

यस्तै शुक्रबार तेजावी सुनको भाउ तोलाको ९६ हजार रुपैयाँ कायम भएको छ ।

यसैगरी शुक्रबार चाँदीको मूल्य पनि बढेको छ । आज चाँदी तोलामा १० रुपैयाँले बढेर प्रतितोला एक हजार ३०५ रुपैयाँमा कारोबार भइरहेको महासंघले जनाएको छ।