काठमाडौँ। नेपाली बजारमा आज सुनचाँदीको भाउ बढेको छ । नेपाल सुनचाँदी व्यवसायी महासंघका अनुसार मंगलबार छापावाल सुनको भाउ प्रतितोलामा १ हजार २ सय रुपैँयाले बढेर ९६ हजार ७ सय रुपैँया कायम भएको छ । सोमबार छापावाल सुन तोलाको ९५ हजार पाँच सय रुपैँयामा कारोबार भएको थियो ।

यस्तै मंगलबार तेजावी सुनको भाउ तोलाको ९६ हजार २ सय रुपैँया कायम भएको छ ।

यसैगरी आज चाँदीको भाउ पनि बढेको छ। आज चाँदी तोलामा २० रुपैँयाले बढेर प्रतितोला एक हजार ३२० रुपैँयामा कारोबार भएको महासंघले जनाएको छ ।