काठमाडाैं । नेपाली बजारमा मुस्ताङको स्याउले राम्रो व्यापार गरेको छ। पछिल्लो डेढ महिनामै मुस्ताङबाट करिब ३० करोड रुपैयाँ बराबरको स्याउ बिक्री भएको विवरण सार्वजनिक भएको छ।

स्वादिलो, रसिलो र गुणस्तरीय स्याउका लागि परिचित मुस्ताङको उत्पादन काठमाडौं, पोखरा र चितवन लगायतका प्रमुख बजारमा लोकप्रिय बन्दै गएको छ।

स्वदेशी स्याउप्रति उपभोक्ताको आकर्षण बढ्दा स्थानीय किसान तथा व्यवसायीलाई समेत लाभ पुगेको छ।
मुस्ताङको स्याउ खेती स्थानीय अर्थतन्त्रको महत्त्वपूर्ण आधार बनेको छ।

आधुनिक प्रविधिको प्रयोग, उत्पादन विस्तार र बजार प्रवर्द्धनमा जोड दिन सके नेपाली स्याउले बजारमा अझ बलियो स्थान बनाउन सक्ने अपेक्षा गरिएको छ।