काठमाडौं ।   बुधबार सुनचाँदीको मूल्यमा उल्लेखनीय गिरावट आएको छ। नेपाल सुनचाँदी व्यवसायी संघका अनुसार सुनको मूल्य प्रतितोला ११ हजार रुपैयाँ र चाँदीको मूल्य प्रतितोला २२७ रुपैयाँले घटेको छ। प्रतिनिधिसभाको निर्वाचन बिहीबार हुने तय भएको छ।

बुधबार प्रतितोला सुनको मूल्य ३ लाख १७ हजार ६०० रुपैयाँमा कारोबार भएको थियो, जुन मंगलबार प्रतितोला ३ लाख २८ हजार ६०० रुपैयाँ थियो। त्यस्तै सोमबार प्रतितोला सुनको मूल्य ३ लाख २६ हजार १०० रुपैयाँ र आइतबार प्रतितोला ३ लाख २० हजार ६५० रुपैयाँ रहेको थियो।मध्यपूर्वमा बढ्दो तनावका कारण पछिल्ला दिनहरूमा सुनको मूल्य बढ्दै गएको थियो, तर आज घटेको छ। बुधबार चाँदीमा पनि तीव्र गिरावट आएको छ, जुन २२७ रुपैयाँले घटेर ५ हजार ५४० रुपैयाँ प्रतितोलामा पुगेको छ।

मंगलबार चाँदी प्रतितोला ८,८१५ रुपैयाँमा कारोबार भएको थियो। सोमबार प्रतितोला ६,०२० रुपैयाँ र आइतबार प्रतितोला ५,९८५ रुपैयाँमा कारोबार भएको थियो। आइतबारको मूल्यको तुलनामा सोमबार चाँदीको मूल्य बढेको थियो तर मंगलबार र बुधबार घटेको थियो।