काठमाडौँ । नेपाली काँग्रेसको विशेष महाधिवेशनको महामन्त्रीद्वय गगन थापा र विश्वप्रकाश शर्माले दीप प्रज्वलन गरेर उद्घाटन गरेका छन् ।

काठमाडौँको भृकुटीमण्डपमा शुरु भएको काँग्रेसको विशेष महाधिवेशनलाई महामन्त्रीद्वय थापा र शर्माले कार्यक्रमको उद्घाटन गरेका हुन् ।

काँग्रेसको विशेष महाधिवेशनमा पूर्वउपसभापति गोपालमान श्रेष्ठ, नेताहरु अर्जुननरसिंह केसी, चन्द्र भण्डारी, सुनिल शर्मा, पूर्व मुख्यमन्त्री केदार कार्की, नेता विनोद चौधरी, चिनकाजी श्रेष्ठ, पुष्पा भुसाल, डा. डिला संग्रौलालगायतका नेताहरु उपस्थित भएका छन् ।

काँग्रेसका ४७३४ महाधिवेशन प्रतिनिधि मध्ये विशेष महाधिवेशनमा ६० प्रतिशतभन्दा बढीले सहभागिता जनाउने बताइएको छ ।